Sabunçu rayonunda polis əməkdaşlarının keçirdiyi növbəti əməliyyat zamanı külli miqdarda narkotik vasitə aşkarlanıb, iki nəfər məsuliyyətə cəlb edilib.
Elpress.az xəbər verir ki, Sabunçu Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı həyata keçirilən növbəti əməliyyat uğurla nəticələnib. Əməliyyat zamanı narkotik vasitələrin qanunsuz daşınması və yayılmasında şübhəli bilinən 32 yaşlı Elsevər Mirəliyev və 23 yaşlı Vahid Kərimov saxlanılıblar.Araşdırmalar zamanı saxlanılan şəxslərin üzərindən və onlara məxsus əşyalardan ümumilikdə 19 kiloqramdan artıq marixuana aşkarlanaraq götürülüb. İstintaqla müəyyən edilib ki, onlar narkotik vasitələri müxtəlif ünvanlara çatdırmaq və paytaxt ərazisində qanunsuz satışını təşkil etmək niyyətində olublar.Faktla bağlı cinayət işi başlanılıb. Toplanmış materiallar məhkəməyə təqdim edilib və məhkəmənin qərarı ilə hər iki şəxs barəsində həbs qətimkan tədbiri seçilib. Hüquq-mühafizə orqanları cinayət əməlinin digər mümkün iştirakçılarının müəyyən olunması istiqamətində araşdırmaları davam etdirirlər.Qeyd edək ki, Sabunçu Rayon Polis İdarəsinin əməkdaşları tərəfindən cari ilin əvvəlindən narkotik vasitələrin qanunsuz dövriyyəsinə qarşı keçirilən əməliyyatlar nəticəsində ümumilikdə 195 kiloqram narkotik vasitə və psixotrop maddə qanunsuz dövriyyədən çıxarılıb.
