Aysel Əlibəyli
19 İyun 2026 · 10:56
1146 baxış
İyunun 18-də polis əməkdaşları paytaxtda və respublikanın müxtəlif rayonlarında keçirdikləri əməliyyat tədbirləri nəticəsində qanunsuz saxlanılan odlu silah-sursat aşkarlayıb. Tədbirlər zamanı 1 avtomat silahı, 1 pulemyot, 9 tüfəng, 1 patron darağı və 9 ədəd patron aşkar edilərək götürülüb.
Daxili İşlər Nazirliyindən bildirilib ki, qanunsuz saxlanılan odlu silah və sursatların aşkarlanaraq dövriyyədən çıxarılması istiqamətində polis əməkdaşları tərəfindən əməliyyat-axtarış və profilaktik tədbirlər davam etdirilir. Nazirlik bu istiqamətdə görülən işlərin ölkədə ictimai təhlükəsizliyin təmin olunmasına və qanunsuz silah dövriyyəsinin qarşısının alınmasına yönəldiyini qeyd edib.
