Naxçıvan şəhərində köhnə avtobusların saxlanıldığı ərazidə baş verən yanğın nəticəsində iki avtobusa ziyan dəyib.
Elpress.az Reaksiya.az-a istinadən bildirir ki, Naxçıvan şəhərində avtobusun yanması ilə nəticələnən hadisə qeydə alınıb. Yanğın köhnə avtobuslar üçün nəzərdə tutulmuş dayanacaq ərazisində baş verib.İlkin məlumata görə, alov istismardan çıxarılan avtobuslardan birində başlayıb və qısa müddətdə yaxınlıqda dayanmış digər avtobusa da keçib.Hadisə nəticəsində xəsarət alan olmasa da, avtobuslardan biri tamamilə yanaraq yararsız vəziyyətə düşüb. Əraziyə dərhal Fövqəladə Hallar Nazirliyinin yanğından mühafizə bölmələri və polis əməkdaşları cəlb olunub.Operativ müdaxilə sayəsində yanğın qısa müddətdə lokallaşdırılaraq söndürülüb. Hazırda hadisənin başvermə səbəbləri araşdırılır.
