Türkiyənin “Beşiktaş” klubu Belçika millisinin üzvü Leandro Trossardın transferini yekunlaşdırmağa yaxındır.
Elpress.az xəbər verir ki, “Beşiktaş” İngiltərənin “Arsenal” klubunda çıxış edən Leandro Trossardın transferi istiqamətində mühüm irəliləyiş əldə edib. Məlumata görə, İstanbul təmsilçisi belçikalı futbolçu ilə 3+1 illik müqavilə şərtləri üzrə razılığa gəlib.İnsayder Yağız Sabuncuoğlunun yaydığı məlumata əsasən, 30 yaşlı cinah oyunçusunun illik qazancı 8 milyon avrodan az olacaq. Müqavilədə müxtəlif bonuslar nəzərdə tutulsa da, futbolçuya imza pulu ödənilməyəcək.Qeyd edək ki, Leandro Trossard 2023-cü ilin yanvar ayından “Arsenal”ın şərəfini qoruyur. O, karyerası ərzində Belçikanın “Genk”, İngiltərənin isə “Brayton” klublarında çıxış edib. Trossard Belçika milli komandasının heyətində 50-dən çox oyun keçirib.
