Aysel Əlibəyli
13 Oktyabr 2026 · 22:44
1062 baxış
Bakıda keçirilən qarşılaşmada Azərbaycan təmsilçisi Çexiya klubunu iki cavabsız qolla məğlub edib.
Elpress.az xəbər verir ki, UEFA Çempionlar Liqasının liqa mərhələsinin II turunda “Sabah” “Slaviya” ilə üz-üzə gəlib. Bakı Olimpiya Stadionunda baş tutan oyunda hesab 49-cu dəqiqədə Kahim Parris tərəfindən açılıb. Coy-Lens Mikels isə 88-ci dəqiqədə fərqi artıraraq yekun nəticəni müəyyənləşdirib — 2:0.
Beləliklə, “Sabah” turnirin cari mərhələsində ilk üç xalını aktivinə yazdırıb. Komanda ilk turda səfərdə “Mançester Yunayted”ə 0:4 hesabı ilə uduzmuşdu. “Slaviya” isə əvvəlki görüşündə “Lans”a 2:3 hesabı ilə məğlub olmuşdu.
