ABŞ Prezidenti Donald Tramp Vaşinqtonun Ukrayna ilə kəşfiyyat sahəsində əməkdaşlığı dayandırmadığını bəyan edib.
Elpress.az xəbər verir ki, jurnalistlərdən birinin bu istiqamətdəki əməkdaşlığın dayandırılması ilə bağlı sualını cavablandıran Tramp “Xeyr, dayandırmamışıq” deyib.
Məsələ ABŞ-ın Kiyevə kəşfiyyat dəstəyini dayandıra biləcəyi barədə yayılan məlumatlardan sonra gündəmə gəlib. CNN daha əvvəl Pentaqon və Dövlət Departamentinin Ukrayna tərəfinə belə bir ehtimal barədə xəbərdarlıq etdiyini bildirmişdi.
Ukrayna rəsmiləri isə oktyabrın 12-də Kiyevə endirilən raket zərbələri ilə bağlı əvvəlcədən xəbərdarlıq almadıqlarını açıqlayıblar. Ukraynanın xarici işlər naziri Andrey Sibiqa bununla yanaşı, ABŞ kəşfiyyatı ilə əməkdaşlığın davam etdiyini bildirib.
