Bakıda 13 nömrəli marşrut avtobusunda baş verən hadisə sərnişinlərin narazılığı ilə nəticələnib.
Elpress.az xəbər verir ki, hadisə Akademik Həsən Əliyev küçəsində, “Koroğlu” metro stansiyası istiqamətində hərəkət edən avtobusda qeydə alınıb.İddialara görə, dayanacaqda sərnişinlərdən biri təsadüfən “STOP” düyməsini basıb.
Bundan sonra avtobus sürücüsü nəqliyyat vasitəsini saxlayaraq qapıları bağlayıb, avtobusdan enib və yol kənarında siqaret çəkməyə başlayıb.
Hadisə zamanı sərnişinlər bir müddət avtobusda gözləməli olub. Sürücünün bu davranışı sərnişinlərin narazılığına səbəb olub və ətrafdakı şəxslər tərəfindən mobil telefonla lentə alınıb.
Məsələ ilə bağlı aidiyyəti qurumun mövqeyi hələlik açıqlanmayıb. Hadisənin görüntüləri sosial şəbəkələrdə geniş müzakirə olunur.
