Polis əməliyyatı zamanı 185 ədəd çətənə kolu və 21 kiloqram narkotik vasitə aşkarlanıb
Elpress.az xəbər verir ki, Balakən rayonunda narkotik vasitələrin qanunsuz dövriyyəsinə qarşı keçirilən əməliyyat zamanı külli miqdarda narkotik vasitə aşkarlanıb.Daxili İşlər Nazirliyinin məlumatına görə, Balakən Rayon Polis Şöbəsinin əməkdaşları tərəfindən həyata keçirilən tədbir nəticəsində narkotik tərkibli bitkilərin qanunsuz kultivasiyasında şübhəli bilinən 52 yaşlı Elman Balagözov saxlanılıb.Araşdırma zamanı onun yaşadığı evdə və rayon ərazisində yerləşən qarğıdalı sahəsində yetişdirdiyi 185 ədəd çətənə kolu, həmçinin ümumilikdə 21 kiloqram narkotik vasitə aşkar edilərək götürülüb.Qeyd olunur ki, saxlanılan şəxs daha əvvəl də analoji cinayətə görə məhkum olunub.Faktla bağlı cinayət işi başlanılıb. Məhkəmənin qərarı ilə E.Balagözov barəsində həbs qətimkan tədbiri seçilib.
