Sərhəd Qoşunlarının keçmiş komandanı Hərbi Memorial Məzarlığında torpağa tapşırılıb
Elpress.az xəbər verir ki, Sərhəd Qoşunlarının keçmiş komandanı, general-mayor Abbasəli Novruzov dəfn edilib.89 yaşında vəfat edən general-mayor Hərbi Memorial Məzarlığında torpağa tapşırılıb. Vida mərasimində müdafiə naziri, general-polkovnik Zakir Həsənov, Silahlı Qüvvələrin Baş Qərargah rəisi, general-polkovnik Kərim Vəliyev, Dövlət Sərhəd Xidmətinin rəisi, general-polkovnik Elçin Quliyev, mərhumun ailə üzvləri, yaxınları və ictimaiyyət nümayəndələri iştirak ediblər.Abbasəli Novruzov 1994-cü il aprelin 8-də Azərbaycanın milli təhlükəsizlik nazirinin müavini və Sərhəd Qoşunlarının komandanı vəzifələrinə təyin olunub. O, 2001-ci ilə qədər bu vəzifədə fəaliyyət göstərib.
