Bakının Nizami rayonunda dörd avtomobilin toqquşması ilə nəticələnən zəncirvari yol-nəqliyyat hadisəsində xəsarət alanların sağlamlıq vəziyyəti açıqlanıb.
Elpress.az bildirir ki, Bakının Nizami rayonunda dörd avtomobilin iştirakı ilə baş vermiş zəncirvari yol-nəqliyyat hadisəsi nəticəsində xəsarət alan şəxslərin vəziyyəti ilə bağlı yeni məlumat açıqlanıb.TƏBİB-in məlumatına görə, hadisə ilə əlaqədar iyulun 2-də saat 19:50-də Respublika Təcili və Təxirəsalınmaz Tibbi Yardım Mərkəzinə Qara Qarayev prospektindən çağırış daxil olub. Hadisə yerinə operativ şəkildə təcili tibbi yardım briqadası göndərilib.Tibb işçiləri tərəfindən müxtəlif dərəcəli müştərək travmalar alan üç nəfər – iki qadın və bir kişi Sabunçu Tibb Mərkəzinə çatdırılıb. Xəstəxanada onlara zəruri tibbi yardım göstərildikdən sonra vəziyyəti qənaətbəxş qiymətləndirilən iki nəfər ambulator müalicə üçün evə buraxılıb. Digər bir şəxs isə yazılı iltizam əsasında stasionar müalicədən imtina edib.Bakı Şəhər Dövlət Yol Polisi İdarəsinin Mətbuat Xidmətinin baş inspektoru Rüstəm Əhmədli faktı təsdiqləyərək bildirib ki, qəza iyulun 2-də saat 19:50 radələrində Qara Qarayev prospektində qeydə alınıb.İlkin araşdırmalara əsasən, Rakif Səlifovun idarə etdiyi “Chevrolet”, Tapdıq Süleymanovun idarə etdiyi “Ford”, Almara Yusifovanın idarə etdiyi “Hyundai” və Tural Abışzadənin idarə etdiyi “Changan” markalı avtomobillər toqquşub. Qəza nəticəsində “Chevrolet” markalı avtomobilin sürücüsü Rakif Səlifov, həmin nəqliyyat vasitəsinin sərnişini Fərqanə İsayeva və “Hyundai” markalı avtomobildə olan sərnişin Fidan Məmmədli müxtəlif dərəcəli bədən xəsarətləri alıblar.Baş vermiş yol-nəqliyyat hadisəsinin səbəblərinin müəyyənləşdirilməsi istiqamətində araşdırmalar davam etdirilir.
