Aysel Əlibəyli
24 İyul 2026 · 11:41
1018 baxış
“İdrak” liseyində müəllimi güllələməkdə təqsirləndirilən şagirdin məhkəməsi qismən qapalı keçiriləcək
Elpress.az xəbər verir ki, Bakıda “İdrak” liseyində müəllimi güllələməkdə təqsirləndirilən şagirdin cinayət işi üzrə məhkəmə prosesinin qismən qapalı keçirilməsi barədə qərar qəbul edilib. Məhkəmə vəsatəti zərərçəkən tərəfin və müdafiə tərəfinin müraciətləri əsasında təmin edib.
Qərara əsasən, azyaşlı şahidlərin sərbəst ifadə verməsinin təmin edilməsi və ədalət mühakiməsinin düzgün aparılması məqsədilə proses qismən qapalı keçiriləcək. Qeyd edək ki, hadisə 2026-cı il fevralın 6-da Binəqədi rayonunda yerləşən “İdrak” liseyində baş verib və təqsirləndirilən şəxsə Cinayət Məcəlləsinin adam öldürməyə cəhd maddəsi ilə ittiham irəli sürülüb.
