Ağdam rayonunda iki avtomobilin toqquşması ilə nəticələnən ağır yol-nəqliyyat hadisəsində 6 nəfər müxtəlif dərəcəli xəsarətlər alıb.
Elpress.az-ın Axar.az-a istinadən verdiyi məlumata əsasən, Ağdam rayonunda ciddi yol-nəqliyyat hadisəsi baş verib. Qəza Bərdə–Ağdam–Xankəndi avtomobil yolunun rayonun Xıdırlı kəndi ərazisindən keçən hissəsində qeydə alınıb.İlkin məlumata əsasən, 99 UA 251 dövlət qeydiyyat nişanlı “Renault Laguna” markalı minik avtomobili hərəkətdə olarkən qarşı istiqamətdən gələn QAZ markalı yük avtomobili ilə toqquşub. Toqquşmanın təsirindən hər iki nəqliyyat vasitəsində olan ümumilikdə 6 nəfər müxtəlif dərəcəli bədən xəsarətləri alıb.Yaralılar hadisə yerinə çağırılan təcili tibbi yardım briqadalarının köməyi ilə Bərdə Müalicə-Diaqnostika Mərkəzinə çatdırılıblar. Həkimlərin verdiyi məlumata görə, xəsarət alanlardan üçünün vəziyyəti ağır qiymətləndirilir və onların müalicəsi davam etdirilir.Hadisənin başvermə səbəblərinin müəyyənləşdirilməsi istiqamətində hüquq-mühafizə orqanları tərəfindən araşdırma aparılır.
