İtaliyanın “Latsio” klubu yay transfer dönəmində heyətinə təcrübəli ispaniyalı müdafiəçi Alfonso Pedrasanı cəlb edib.
Elpress.az xəbər verir ki, İtaliya A Seriyasının təmsilçisi “Latsio” yeni mövsüm öncəsi transfer çalışmalarını davam etdirir. Roma klubu heyətini ispaniyalı müdafiəçi Alfonso Pedraza ilə gücləndirdiyini rəsmən açıqlayıb.30 yaşlı futbolçu paytaxt təmsilçisinə azad agent statusunda qoşulub. Tərəflər arasında 3 illik müqavilə imzalanıb və təcrübəli müdafiəçinin qarşıdakı mövsümlərdə komandanın əsas heyət üzvlərindən biri olması gözlənilir.Qeyd edək ki, Alfonso Pedraza peşəkar karyerasının son 15 ilini “Vilyarreal” klubunda keçirib. O, bu müddətdə komandanın aparıcı futbolçularından biri kimi çıxış edib və həm ölkə çempionatında, həm də avrokuboklarda mühüm oyunlara çıxıb.İspaniyalı müdafiəçi ötən mövsüm La Liqada 27 qarşılaşmada meydana çıxaraq 1 qol vurub və 3 məhsuldar ötürmə ilə yadda qalıb. “Latsio” rəhbərliyi onun təcrübəsinin komandanın müdafiə xəttinə əlavə güc qatacağına inanır.
