Azı 9 ali təhsil müəssisəsində tələbə və əməkdaşların təxliyəsi həyata keçirilib
Elpress.az xəbər verir ki, Rusiyanın paytaxtı Moskvada bir sıra ali təhsil müəssisələrində bomba yerləşdirilməsi ilə bağlı xəbərdarlıqlar daxil olduqdan sonra təxliyə tədbirləri görülüb.İlkin məlumatlara görə, azı 9 universitetdə tələbə və əməkdaşlar binalardan çıxarılıb. Təxliyə edilən müəssisələr arasında Rusiya Teatr Sənəti İnstitutu (GİTİS), Mendeleyev adına Rusiya Kimya-Texnologiya Universiteti, Dövlət Maarif Universiteti, Moskva Dövlət İdman və Turizm Universiteti, A.N. Kosıgin adına Rusiya Dövlət Universiteti, Moskva Beynəlxalq Universiteti, Ümumrusiya Xarici Ticarət Akademiyası, GİTR və Moskva Texniki Rabitə və İnformatika Universiteti yer alıb.GİTİS-in Kislovski keçidində yerləşən əsas binası da boşaldılıb. Dövlət Maarif Universitetinin bütün korpuslarından tələbə və əməkdaşların təxliyəsi həyata keçirilib.Mendeleyev adına Rusiya Kimya-Texnologiya Universitetində polis və qəza-xilasetmə xidmətlərinin əməkdaşları araşdırma aparır. Hadisənin səbəblərinin müəyyənləşdirildiyi bildirilib.Moskva Dövlət Psixologiya-Pedaqoji Universitetində isə anonim mesajdan sonra dərslər distant formata keçirilib. Təhsil müəssisəsinin təhlükəsizlik xidməti hadisə barədə aidiyyəti dövlət qurumlarına məlumat verib.İlkin ehtimala görə, təxliyəyə səbəb olan bomba xəbərdarlıqları yalan ola bilər. Hazırda universitet binalarında yoxlamalar davam etdirilir.
