Astara Gömrük İdarəsində tranzit yükün maneəsiz keçirilməsi müqabilində pul almaqda şübhəli bilinən Taleh Məmmədov barəsində cinayət işinin istintaqı yekunlaşıb.
Elpress.az xəbər verir ki, Dövlət Gömrük Komitəsindən daxil olan materiallar əsasında Baş prokuror yanında Korrupsiyaya qarşı Mübarizə Baş İdarəsində aparılan araşdırma tamamlanıb.
İstintaq materiallarına görə, hadisə 2026-cı ilin mayında baş verib. Vətəndaşa məxsus tərəvəz məhsullarının Azərbaycan ərazisindən tranzit keçməklə Rusiyaya daşınması zamanı əlavə yoxlama aparılmadan buraxılmasının təmin edilməsi müqabilində Taleh Məmmədovun pul aldığına dair əsaslı şübhələr müəyyən edilib.
Ona Cinayət Məcəlləsinin 312-1.1-ci maddəsi ilə — vəzifəli şəxsin qərarına qanunsuz təsir göstərmə, yəni nüfuz alveri ittihamı elan olunub. Barəsində polisin nəzarəti altına vermə qətimkan tədbiri seçilib.
Cinayət işi baxılması üçün Tovuz Rayon Məhkəməsinə göndərilib.
