Ağdam klubu Dieqo Rosanı APOEL-dən birillik icarə əsasında transfer edib
Elpress.az xəbər verir ki, Azərbaycan çempionu “Qarabağ” heyətini yeni futbolçu ilə gücləndirib.Ağdam təmsilçisi Kiprin APOEL klubu ilə braziliyalı yarımmüdafiəçi Dieqo Rosanın transferi ilə bağlı razılığa gəlib. 23 yaşlı futbolçu bir mövsümlük icarə əsasında “Qarabağ”ın formasını geyinəcək.Razılaşmaya əsasən, icarə müddəti başa çatdıqdan sonra Azərbaycan klubu Rosanın transfer hüquqlarını almaq imkanına sahib olacaq.Karyerasına Braziliyanın “Qremio” klubunda başlayan Rosa 2021-ci ildə İngiltərənin “Mançester Siti” komandasına transfer olunub. Daha sonra futbolçu Belçikanın “Lommel”, Portuqaliyanın “Vizela”, həmçinin Braziliyanın “Bahia” və “İnter” klublarında çıxış edib. O, 2025-ci ildə APOEL-ə keçib.Braziliyalı yarımmüdafiəçi ölkəsinin U-16 və U-17 milli komandalarında da forma geyinib.
