Qara dənizdə PUA hücumuna məruz qalaraq zədələnən tanker Türkiyənin Samsun vilayətində sahilə çıxıb.
Elpress.az xəbər verir ki, Honqkonq bayrağı altında üzən “M/T Golden Sapling” tankeri Türkiyə sahillərindən təxminən 90 mil aralıda hərəkətdə olarkən pilotsuz uçuş aparatının hücumuna məruz qalıb.
Hadisədən sonra gəmidəki 21 heyət üzvü “Maran Pytha” tərəfindən təxliyə olunaraq Rusiyanın Novorossiysk limanına aparılıb. Tankerdən son siqnalın avqustun 26-da saat 02:00 radələrində alındığı bildirilib.
Zədələnmiş gəmi bu gün Samsunun Alaçam rayonunda sahilə çıxaraq saya oturub. Əraziyə Sahil Mühafizəsi və Liman Baş İdarəsinin əməkdaşları cəlb edilib.
Tankerin sahildən hansı üsulla çıxarılacağı və hansı istiqamətə yedəyə aparılacağı aparılacaq qiymətləndirmələrdən sonra müəyyənləşdiriləcək.
