Külək güclənir: FHN dənizə üz tutacaq vətəndaşlara mühüm çağırış etdi
Fövqəladə Hallar Nazirliyi (FHN) Bakıda və Abşeron yarımadasında gözlənilən küləkli hava şəraiti ilə əlaqədar çimərliklərə üz tutmağı planlaşdıran vətəndaşlara mühüm xəbərdarlıq edib.Nazirlik bildirib ki, iyulun 7-8-də paytaxt və Abşeron ərazisində güclü küləyin müşahidə olunacağı proqnozlaşdırılır. Bu səbəbdən küləkli hava şəraitində dənizə daxil olmaq həyat və sağlamlıq üçün ciddi təhlükə yarada bilər.FHN vətəndaşları təhlükəsizlik qaydalarına ciddi əməl etməyə, hava şəraiti əlverişsiz olduğu müddətdə dənizə girməməyə və öz həyatlarını riskə atmamağa çağırıb. Bildirilib ki, belə hava şəraitində ehtiyatsız davranış xoşagəlməz hadisələrə səbəb ola bilər.Nazirlik həmçinin hər hansı fövqəladə hadisə və ya təhlükə ilə üzləşən şəxslərə vaxt itirmədən 112 qaynar xəttinə zəng edərək aidiyyəti qurumlara məlumat verməyi tövsiyə edib.
