Heydər Əliyev prospekti ilə 7-ci Köndələn küçəsinin kəsişməsində hərəkət məhdudlaşdırıla bilər
Elpress.az xəbər verir ki, Bakının bir sıra ərazilərində yol təmiri işləri davam etdirilir.Azərbaycan Avtomobil Yolları Dövlət Agentliyinin məlumatına görə, hazırda Binəqədi rayonunda Mirmahmud Kazımovski və Elçin Əzizov küçələrində, Xəzər rayonunda Türkan–Hövsan şossesində, Suraxanı rayonunda isə Elzar Yusubov küçəsində təmir işləri aparılır.Bundan əlavə, sabah saat 09:00-dan etibarən Heydər Əliyev prospekti ilə 7-ci Köndələn küçəsinin kəsişməsində də təmirə başlanılacaq.Təmir işlərinin gedişindən asılı olaraq qeyd olunan ərazilərdə nəqliyyat vasitələrinin hərəkətinə qismən və ya tam məhdudiyyət tətbiq edilə bilər. Məhdudiyyətlərin işlər yekunlaşanadək qüvvədə qalacağı bildirilib.Sürücülərə alternativ yollardan istifadə etmək və təmir işləri aparılan ərazilərdə diqqətli olmaq tövsiyə olunub.
