Dövlət ümumi təhsil müəssisələrində çalışan müəllimlər üçün geyim tələbləri vahid qaydada müəyyən ediləcək.
Elpress.az xəbər verir ki, bununla bağlı dəyişiklik Milli Məclisin bugünkü iclasında müzakirəyə çıxarılan “Ümumi təhsil haqqında” qanuna edilən düzəlişdə öz əksini tapıb və sənəd üçüncü oxunuşda qəbul edilib.
Yeni qaydalara əsasən, dövlət ümumi təhsil müəssisələrində təhsilverənlərin geyimi ilə bağlı tələbləri müvafiq icra hakimiyyəti orqanının müəyyən etdiyi qurum təsdiqləyəcək.
Dəyişikliklərə görə, valideynlər və ya digər qanuni nümayəndələr də övladlarının məktəbdə müəyyən olunmuş geyim formasına riayət etməsini təmin etməyə borclu olacaqlar.
Qanuna əsasən, bundan sonra həm müəllimlər, həm də şagirdlər dövlət ümumi təhsil müəssisələrində müəyyən edilmiş geyim tələblərinə əməl etməlidirlər.
