Daxili İşlər Nazirliyi vətəndaşları bank kartı məlumatlarını kiberdələduzlardan qorumağa çağırıb.
Elpress.az xəbər verir ki, Daxili İşlər Nazirliyi (DİN) bildirib ki, kiberdələduzlar saxta internet səhifələri, şübhəli keçidlər, uduş və hədiyyə vədləri, eləcə də müxtəlif cəlbedici təkliflər vasitəsilə vətəndaşların bank kartı məlumatlarını ələ keçirməyə çalışırlar.Nazirlik bir daha xatırladıb ki, bank kartının nömrəsi, CVV/CVC kodu və əməliyyatların təsdiqi üçün göndərilən 3D Secure OTP kodları məxfi məlumatlardır və heç bir halda üçüncü şəxslərlə paylaşılmamalıdır.DİN vətəndaşlara naməlum keçidlərə daxil olmamağı, etibarlılığı şübhə doğuran saytlarda kart məlumatlarını qeyd etməməyi, həmçinin şübhəli zəng, mesaj və təkliflərə qarşı diqqətli olmağı tövsiyə edib.Nazirlik kiberdələduzluq halları ilə qarşılaşan şəxslərə dərhal “102” Xidməti-Zəng Mərkəzi və ya DİN-in rəsmi sosial şəbəkə hesabları vasitəsilə müraciət etməyi tövsiyə edib.
