Prezident İlham Əliyev bildirib ki, İkinci Qarabağ müharibəsindən sonra Cənubi Qafqazda yeni geosiyasi reallıq formalaşıb.
Elpress.az xəbər verir ki , Prezident İlham Əliyev bu fikirləri IV Şuşa Qlobal Media Forumunun açılış mərasimində səsləndirib.Dövlət başçısının sözlərinə görə, regionda baş verən əsas dəyişikliklərin təməlində İkinci Qarabağ müharibəsi dayanır. O qeyd edib ki, müharibədən sonra Cənubi Qafqazda mövcud vəziyyət kəskin şəkildə dəyişib və yeni siyasi reallıqlar yaranıb.Prezident vurğulayıb ki, Azərbaycanın öz suverenliyini tam bərpa etməsi, Ermənistanın xarici siyasətdə atdığı addımlar və regionda baş verən digər proseslər mövcud vəziyyətə yenidən baxılmasını zəruri edir.İlham Əliyev əlavə edib ki, formalaşan yeni şərait həm analitiklər, həm də dövlətlər səviyyəsində Cənubi Qafqazdakı proseslərin yenidən qiymətləndirilməsini tələb edir.
