Paytaxt məktəblərinin 42 məzunu qızıl, 29 məzunu isə gümüş nişana layiq görülüb
Elpress.az xəbər verir ki, Bakıda ümumi təhsil müəssisələrinin XI sinfini başa vuran 71 məzun xüsusi nailiyyətlərinə görə qızıl və gümüş nişanla təltif olunub.Onlardan 42-si qızıl, 29-u isə gümüş nişana layiq görülüb.Qızıl nişanla təltif olunan məzunlar arasında 5, 63, 88, 113, 182, 226, 270 və 272 nömrəli tam orta məktəblərin, 6 və 70 nömrəli məktəb-liseylərin, həmçinin Kimya və biologiya təmayüllü respublika liseyi, Fizika, riyaziyyat və informatika təmayüllü respublika liseyi, Bakı Avropa liseyi, Akademik Zərifə Əliyeva adına lisey, Humanitar fənlər təmayüllü lisey, Texniki-humanitar lisey və G. Əsgərova adına məktəb-lisey kompleksinin məzunları yer alıb.Gümüş nişana isə 17, 26, 157, 189-190 və 281 nömrəli tam orta məktəblərin, 20, 220 və 264 nömrəli məktəb-liseylərin, 2 nömrəli Texniki-humanitar liseyin, 291 nömrəli Ekologiya liseyinin, Akademik Zərifə Əliyeva adına liseyin, Fizika, riyaziyyat və informatika təmayüllü respublika liseyinin, Kimya və biologiya təmayüllü respublika liseyinin, Texniki-humanitar liseyin, Bakı Slavyan Universitetinin nəzdində məktəb-lisey kompleksinin, G. Əsgərova adına məktəb-lisey kompleksinin və Elitar gimnaziyanın məzunları layiq görülüblər.Məzunların qızıl və ya gümüş nişanla təltif olunması ümumi təhsili xüsusi nailiyyətlərlə başa vuran şagirdlər üçün müəyyən edilmiş qaydalara uyğun həyata keçirilir. Bu qaydalar Nazirlər Kabinetinin müvafiq qərarı ilə təsdiqlənib.
