Oktyabrın 20-də Bakı Olimpiya Stadionunda keçiriləcək futbol qarşılaşması ilə əlaqədar paytaxtın Milli Həmrəylik küçəsində nəqliyyatın hərəkətinə müvəqqəti məhdudiyyət tətbiq olunacaq.
Elpress.az xəbər verir ki, bu barədə Azərbaycan Yerüstü Nəqliyyat Agentliyindən (AYNA) məlumat verilib.
Məhdudiyyətlə əlaqədar 18 müntəzəm avtobus marşrutunun hərəkət sxemi dəyişdiriləcək. Sabunçu yol qovşağı istiqamətində avtobuslar Milli Həmrəylik küçəsinin kənar yolu, Ziya Bünyadov və Heydər Əliyev prospektləri ilə hərəkət edəcək. “Koroğlu” Nəqliyyat Mübadilə Mərkəzi istiqamətində isə avtobusların hərəkəti Heydər Əliyev prospekti ilə təmin olunacaq.
Dəyişiklik 24, 107, 118A, 118B, 131, 139, 148, 162, 163, 166, 173A, 173B, 197, 198, 204, 216, 217 və M8 nömrəli marşrutlara aiddir.
Qeyd edək ki, “Sabah” – “Borussiya” oyunu oktyabrın 20-də saat 20:45-də Bakı Olimpiya Stadionunda başlayacaq.
