Peşə təhsili alanlar üçün köçürülmə və bərpa müraciətlərinin qəbulu sentyabrın 10-dək davam edəcək
Elpress.az xəbər verir ki, 2026–2027-ci tədris ilinin ilk yarısı üzrə peşə təhsili müəssisələrində təhsilalanların köçürülməsi və təhsilə bərpası ilə bağlı müraciətlərin qəbuluna başlanılıb.Müraciət etmək istəyən şəxslər portal.edu.az platformasında şəxsi kabinetlərinə daxil olaraq müvafiq xidmətdən istifadə edə bilərlər. Elektron müraciətlərin qəbulu 10 sentyabr saat 18:00-da başa çatacaq.Qaydalara əsasən, təhsil müəssisəsini və ya ixtisasını dəyişən, həmçinin təhsilinə bərpa olunan şəxslər müəyyən istisnalar nəzərə alınmaqla təhsillərini ödənişli əsaslarla davam etdirəcəklər.İlk peşə təhsili səviyyəsində təhsilalanların həm müəssisə, həm də ixtisas dəyişməsinə icazə verilmir. Texniki peşə təhsili səviyyəsində isə birinci kursu başa vurmayan tələbələrin təhsil müəssisəsini və ixtisasını dəyişməsi mümkün deyil.İxtisas dəyişikliyi və bərpa prosesi müəyyən edilmiş eyni ixtisas qrupu çərçivəsində həyata keçirilir.Müraciət edən şəxslər nəticələri müraciətlərin qəbulu başa çatdıqdan sonra 15 gün ərzində şəxsi kabinetləri vasitəsilə öyrənə biləcəklər.
