Sənaye müəssisələrində təhlükəsizlik tədbirlərinin gücləndirilməsi müzakirə olunub
Elpress.az xəbər verir ki, Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin təşkilatçılığı ilə Lənkəran şəhərində “Texniki təhlükəsizlik bizim prioritetimizdir” mövzusunda seminar-müşavirə keçirilib.Tədbirin əsas məqsədi təhlükə potensiallı obyektlərdə fəaliyyət göstərən sənaye müəssisələrində texniki təhlükəsizliyin mövcud vəziyyətini qiymətləndirmək və mümkün bədbəxt hadisələrin qarşısının alınması üçün qabaqlayıcı tədbirləri müzakirə etmək olub.Seminarda Agentliyin əməkdaşları, Cənub Regional Mərkəzinin əhatə etdiyi ərazilərdə fəaliyyət göstərən yerli icra hakimiyyəti nümayəndələri və müxtəlif sənaye sahələrində çalışan sahibkarlar iştirak ediblər.Çıxışlar zamanı sənaye müəssisələrində təhlükəsizlik tələblərinə riayət olunmasının vacibliyi vurğulanıb. Həmçinin texniki təhlükəsizliyin təmin edilməsi, mövcud qayda və normativ sənədlərin tətbiqi, risklərin əvvəlcədən müəyyənləşdirilməsi və profilaktik tədbirlərin gücləndirilməsi məsələləri diqqətə çatdırılıb.Tədbirdə sənaye və dağ-mədən sahələrində mövcud təhlükəsizlik problemləri barədə fikir mübadiləsi aparılıb, bədbəxt hadisələrin qarşısının alınması ilə bağlı təkliflər səsləndirilib.Sonda mövzu ətrafında geniş müzakirələr keçirilib və iştirakçıların sualları cavablandırılıb.
