İnformasiya texnologiyaları üzrə ixtisaslaşan ayrıca ali məktəbin yaradılması təklif olunur
Elpress.az xəbər verir ki, Azərbaycanda informasiya texnologiyaları və digər texnoloji istiqamətlər üzrə ixtisaslaşacaq ayrıca ali təhsil müəssisəsinin yaradılması təklif olunub.Təhsil məsələləri üzrə tədqiqatçı Elmin Nuri bildirib ki, son illərdə I ixtisas qrupunun R alt qrupu üzrə kompüter və informasiya texnologiyaları istiqamətlərinə maraq əhəmiyyətli dərəcədə artıb.Onun sözlərinə görə, hazırda müxtəlif ali məktəblərdə IT və texnologiya sahəsinə aid ixtisaslar tədris olunur. Lakin yalnız texnologiya istiqamətinə fokuslanan böyük və ixtisaslaşmış universitetin yaradılması bu sahədə təhsilin inkişafına və rəqabətin güclənməsinə şərait yarada bilər.Ekspert qeyd edib ki, belə bir ali məktəb yeni təhsil planlarının açılmasına imkan verə, eyni zamanda digər universitetlərdə qəbul yükünün azalmasına kömək göstərə bilər.Elmin Nuri texnologiya sahəsində ixtisaslaşmış universitetin yaradılmasının ölkədə IT təhsilinin əsas mərkəzlərindən birinin formalaşmasına xidmət edə biləcəyini vurğulayıb.
