Elpress.az xəbər verir ki, Tibbi Ərazi Bölmələrini İdarəetmə Birliyində (TƏBİB) struktur və kadr dəyişiklikləri aparılıb.
Məlumata görə, TƏBİB-in İcraçı direktoru Anar Bayramov bununla bağlı müvafiq əmrlər imzalayıb.
Əmrlərə əsasən, Beynəlxalq əlaqələr departamentinin strukturunda dəyişiklik edilərək Beynəlxalq əlaqələr şöbəsi yaradılıb. Bayramov Atilla-Turan Nuru oğlu həmin şöbənin müdiri təyin olunub.Bununla yanaşı, Müraciətlərlə iş departamenti İnzibati idarəetmə departamenti ilə birləşdirilib. Hüseynov İlham Həqiqət oğlu Müraciətlərlə iş departamentinin rəhbəri vəzifəsindən azad edilib.Yeni yaradılan İnzibati idarəetmə və müraciətlərlə iş departamentinə Bayramov Elvin Fikrət oğlu rəhbər təyin olunub.
Digər qərara əsasən, Təlim və tədqiqatlar departamentinin rəhbəri Mirzəbəyli Teymur Adışirin oğlu vəzifəsindən azad edilib. Onun yerinə Əfəndiyeva Elza Rafiq qızı departament rəhbəri təyin olunub.
