Tibbi Ərazi Bölmələrini İdarəetmə Birliyində (TƏBİB) kadr islahatları davam edir.
Elpress.az FED.az-a istinadən xəbər verir ki, qurumun yeni rəhbərliyi mərkəzi aparatın daha 11 əməkdaşı ilə əmək münasibətlərinə xitam verib.Vəzifəsindən azad edilənlər arasında İnsan resursları departamentinin rəhbəri Emin Xasıyev, İnzibati idarəetmə departamentinin rəhbəri Vasif Səfərov, Beynəlxalq əlaqələr departamentinin rəhbəri Fidan Mahmudova və İlkin səhiyyə xidməti departamentinin rəhbəri Rəşad Çobanlı da yer alır.Bundan əlavə, İnsan resursları, İctimaiyyətlə əlaqələr və kommunikasiya, İxtisaslı tibbi xidmətin təşkili, Strateji inkişaf, eləcə də Daxili nəzarət və monitorinq departamentlərində çalışan bəzi şöbə müdirləri və məsləhətçilər də vəzifələrindən uzaqlaşdırılıblar.Kadr dəyişiklikləri çərçivəsində TƏBİB-in İctimaiyyətlə əlaqələr və kommunikasiya departamentinə yeni rəhbər də təyin olunub. Həmin vəzifə Zara İbrahimzadəyə həvalə edilib.Qeyd edək ki, Anar Bayramovun rəhbərliyi dövründə TƏBİB-də genişmiqyaslı struktur və kadr dəyişiklikləri həyata keçirilir. Son aylarda bir sıra müşavirlərlə əməkdaşlığa son qoyulub, həmçinin tabeli tibb müəssisələrinin rəhbərləri və mərkəzi aparat əməkdaşları ilə bağlı müxtəlif qərarlar qəbul edilib.
