Azərbaycan elminə dəyərli töhfələr vermiş AMEA-nın həqiqi üzvü, tanınmış akademik Əjdər Məcidov 88 yaşında dünyasını dəyişib.
Elpress.az xəbər verir ki, Akademik Əjdər Məcidov bu gün səhər saatlarında 88 yaşında vəfat edib. O, uzun illər Azərbaycan elmində mühüm xidmətləri ilə tanınıb və kimya sahəsində nüfuzlu alimlərdən biri kimi böyük hörmət qazanıb.Qeyd edək ki, Əjdər Məcidov 1966-cı ildə kimya üzrə fəlsəfə doktoru, 1984-cü ildə kimya üzrə elmlər doktoru elmi dərəcəsinə layiq görülüb. 1985-ci ildə professor elmi adını alan alim, elmi fəaliyyəti dövründə ölkədə kimya elminin inkişafına mühüm töhfələr verib. O, 2001-ci ildə Azərbaycan Milli Elmlər Akademiyası-nın müxbir üzvü, 2017-ci ildə isə akademiyanın həqiqi üzvü seçilərək Azərbaycan elminin inkişafında əhəmiyyətli rol oynayıb. Onun vəfatı elmi ictimaiyyət üçün böyük itki hesab olunur.
