Ukraynada seçki ehtimalları: Zalujnının prezidentlik planı gündəmə gəldi
Elpress.az-ın verdiyi məlumata əsasən, Ukraynada gələcək prezident seçkiləri ilə bağlı siyasi müzakirələr davam edir. Ölkənin Böyük Britaniyadakı səfiri və ordunun sabiq baş komandanı Valeriy Zalujnının seçkilərdə iştirak etmək niyyətində olduğu bildirilir.Məlumata görə, Zalujnı bu planı Ukrayna Prezidenti Volodimir Zelenski ilə görüşü zamanı diqqətə çatdırıb. Bildirilir ki, görüşdə ölkədə mümkün seçkilərin keçirilməsi və siyasi proseslərin necə idarə olunması məsələləri müzakirə edilib.Qeyd olunur ki, əsas diqqət seçkilərin cəmiyyətdə əlavə parçalanmaya səbəb olmaması məsələsinə yönəlib. Siyasi rəqabətin ölkə daxilində gərginliyi artırmaması vacib amil kimi qiymətləndirilir.Məlumata əsasən, Zalujnı seçkilərin keçirilməsi halında namizədliyini irəli sürmək niyyətini ifadə edib.Həmçinin bildirilir ki, Ukrayna Milli Təhlükəsizlik və Müdafiə Şurasının katibi Rüstəm Umerov və “Xalqın xidmətçisi” fraksiyasının rəhbəri David Araxamiya da Zalujnı ilə görüşərək onu seçkilərdə iştirak etmək fikrindən daşınmağa çağırıblar.Ukraynada seçkilərin keçirilməsi ilə bağlı yekun qərar və siyasi proseslərin necə inkişaf edəcəyi ölkədəki vəziyyətdən asılı olaraq müəyyənləşəcək.
