TBMM sədri: Monitorinq Komissiyası proses çərçivəsində görülən işləri izləyəcək
Elpress.az xəbər verir ki, Türkiyədə “Terrorsuz Türkiyə” prosesi çərçivəsində qarşıya qoyulan hədəflərin icrasını izləmək məqsədilə Monitorinq Komissiyasının yaradılması planlaşdırılır.TBMM sədri Numan Kurtulmuş bildirib ki, komissiyanın parlamentin payız sessiyasının əvvəlində yaradılması nəzərdə tutulur.O qeyd edib ki, uzun müddətdir davam edən PKK problemi ilə bağlı hüquqi çərçivənin formalaşdırılmasını nəzərdə tutan “Milli Həmrəyliyin və Sosial İnteqrasiyanın Gücləndirilməsi haqqında” qanunun tətbiqi silahlı qruplaşma üzvlərinin tam şəkildə tərk-silah edilməsinin təsdiqlənməsindən sonra mümkün olacaq.Numan Kurtulmuşun sözlərinə görə, silahların təhvil verilməsi təsdiqlənənədək qanun qüvvəyə minməyəcək.TBMM sədri “Terrorsuz Türkiyə” məqsədinə doğru irəliləyişin davam etdiyini və prosesin əsas hədəfinin ölkədə terror təhlükəsinin aradan qaldırılması olduğunu bildirib.
