Minsk 25 məhbusu azad edəcək, Vaşinqton iki şirkətə tətbiq olunan sanksiyaları götürəcək
Elpress.az xəbər verir ki, ABŞ və Belarus arasında aparılan danışıqlar nəticəsində aralıq razılaşma əldə olunub.ABŞ prezidentinin xüsusi nümayəndəsi Con Koulun sözlərinə görə, xoşməramlı jest olaraq Belarus 25 məhbusu azad edəcək. ABŞ isə “Lakokraska” və “Bellesbumprom” şirkətlərinə qarşı tətbiq etdiyi sanksiyaları aradan qaldıracaq.Koul bildirib ki, tərəflər qalan məsələlərin həlli istiqamətində danışıqları davam etdirəcəklər. Onun sözlərinə görə, bütün məsələlər razılaşdırıldıqdan sonra əlavə şəxslərin azad edilməsi və Belarus şirkətlərinə qarşı digər sanksiyaların aradan qaldırılması məsələsinə baxılacaq.ABŞ prezidentinin xüsusi nümayəndəsi Minskdə keçirilən danışıqları “çox məhsuldar” adlandırıb və Belarus tərəfinə, o cümlədən Prezident Aleksandr Lukaşenkoya təşəkkür edib.
