Rusiyanın Kiyevə həyata keçirdiyi gecə hücumu zamanı Avropa Parlamenti əməkdaşlarının və xarici diplomatların yerləşdiyi otelə də zərər dəyib.
Elpress.az xəbər verir ki, Rusiya ordusunun iyulun 2-nə keçən gecə Ukraynanın paytaxtı Kiyevə pilotsuz uçuş aparatları və ballistik raketlərlə həyata keçirdiyi hücum nəticəsində xarici diplomatların qaldığı “Cityhotel Residence” oteli də zədələnib.Məlumata görə, hücum zamanı oteldə müxtəlif ölkələrin diplomatları ilə yanaşı, Avropa Parlamentinin əməkdaşları və Avstriyanın Ukraynadakı fövqəladə və səlahiyyətli səfiri Robert Martin Müller də qalırdı.Hadisədən sonra Avropa Parlamentinin sədri Roberta Metsola “X” sosial şəbəkəsində paylaşım edərək, qurumun əməkdaşlarının yerləşdiyi otelin gecə hücumu zamanı zərər gördüyünü bildirib və Rusiyanın hücumunu kəskin şəkildə pisləyib.Avstriyanın Ukraynadakı səfiri Robert Martin Müller də hücum zamanı qaldığı otelin zədələndiyini təsdiqləyib. Onun sözlərinə görə, baş verən hadisə nəticəsində binaya ciddi maddi ziyan dəyib.İlkin məlumata əsasən, hücum zamanı diplomatlar və otel əməkdaşları arasında xəsarət alan olmayıb. Bununla belə, onların şəxsi əmlakına və otelin infrastrukturuna ziyan dəyib.
