Avropa İttifaqı ilə ABŞ arasında ticarət dövriyyəsi ötən il tarixi maksimuma çataraq 875 milyard avro həcmində qeydə alınıb.
Elpress.az məlumat verir ki, Avropa İttifaqı (Aİ) ilə ABŞ arasında iqtisadi və ticarət əlaqələri ötən il rekord səviyyəyə yüksəlib. Rəsmi göstəricilərə əsasən, tərəflər arasında ümumi ticarət dövriyyəsi 875 milyard avroya, yəni təxminən 1 trilyon ABŞ dollarına çataraq indiyədək qeydə alınmış ən yüksək nəticəni göstərib.Hesabata görə, Aİ-nin ABŞ-yə ixracı əvvəlki illə müqayisədə 7,7 faiz artaraq 580 milyard avro təşkil edib. Eyni dövrdə ABŞ-nin Avropa İttifaqına ixracı da 2,2 faiz artım nümayiş etdirərək 295 milyard avroya yüksəlib.Bu göstəricilər nəticəsində Avropa İttifaqının ABŞ ilə ticarətdə profisiti təxminən 285 milyard avro olub. Mütəxəssislər bunu tərəflər arasında iqtisadi əməkdaşlığın güclənməsi və ticarət münasibətlərinin genişlənməsi ilə əlaqələndirirlər.Bununla yanaşı, bəzi sektorlarda azalma da müşahidə olunub. Belə ki, 2025-ci ildə Avropa İttifaqından ABŞ-yə avtomobil və avtomobil hissələrinin ixracı 20,4 faiz geriləyib. Buna baxmayaraq, ümumi ticarət dövriyyəsi rekord səviyyəyə çataraq Aİ ilə ABŞ arasında iqtisadi əlaqələrin güclü dinamikasını bir daha nümayiş etdirib.
