Aysel Əlibəyli
19 İyul 2026 · 17:31
1148 baxış
Qazaxıstan nefti daşıyan iki tanker PUA hücumuna məruz qaldı
Elpress.az xəbər verir ki, Xəzər Boru Kəməri Konsorsiumunun dəniz terminalında Qazaxıstan nefti daşıyan iki tanker pilotsuz uçuş aparatlarının hücumuna məruz qalıb.
Məlumata görə, hücumun hədəfi Liberiya bayrağı altında üzən ASIA və Marşall adalarının bayrağı altında olan NISSOS IOS tankerləri olub. Hadisədən sonra neftin yüklənməsi dayandırılıb.Hücum nəticəsində ASIA tankerində yanğın baş versə də, alov qısa müddətdə söndürülüb. Xəsarət alan olmayıb, neft sızması qeydə alınmayıb. Hazırda mütəxəssislər dəymiş ziyanı qiymətləndirirlər.
