Aysel Əlibəyli
08 İyun 2026 · 21:08
6 baxış
İran hava məkanında tətbiq olunan bütün məhdudiyyətlər aradan qaldırılıb və aviasiya fəaliyyəti mərhələli şəkildə bərpa olunur.
Elpress.az xəbər verir ki, İran Mülki Aviasiya Təşkilatının yaydığı məlumata görə, təhlükəsizlik tədbirləri tamamlandıqdan və aidiyyəti qurumlarla zəruri koordinasiya həyata keçirildikdən sonra uçuşların bərpasına qərar verilib.Qurumdan bildirilib ki, ölkənin hava limanlarında əməliyyatlar tədricən əvvəlcədən müəyyən edilmiş qrafik üzrə normallaşdırılır.Qeyd edək ki, bundan əvvəl İranın qərb hissəsində hava məkanının bağlanması ilə bağlı NOTAM elan edilmiş, nəticədə ölkə üzrə bütün aviareyslər müvəqqəti olaraq dayandırılmışdı. Hazırda isə həmin məhdudiyyətlər qüvvədən düşüb və uçuşların bərpası prosesi başlayıb.
