Aysel Əlibəyli
19 İyul 2026 · 17:28
10 baxış
Tovuzda ildırımın vurduğu evdə yanğın baş verdi, 10 nəfər zəhərləndi
Elpress.az xəbər verir ki, Tovuz rayonunda ildırım çaxması nəticəsində fərdi yaşayış evində yanğın baş verib.Hadisə Yuxarı Öysüzlü kəndində qeydə alınıb.
İlkin məlumata görə, ildırımın təsirindən evdə elektrik naqillərində qısaqapanma yaranıb və yanğın başlayıb. Yanğın nəticəsində evin birinci mərtəbəsində yerləşən mətbəx və zal tamamilə yanıb.Alovun söndürülməsinə Fövqəladə Hallar Nazirliyinin əməkdaşları və yerli sakinlər cəlb olunub. Hadisə zamanı tüstüdən zəhərlənən 10 nəfərə tibbi yardım göstərilib və onlar ambulator müalicə üçün evə buraxılıblar.Hadisənin başvermə səbəbləri araşdırılır.
