Türkiyənin sənaye və texnologiya naziri Mehmet Fatih Kacırın açıqlamasına görə, MIYOKA layihəsi çərçivəsində NASA-nın 5 astronavtı əməliyyat hazırlıq mərhələsində “TÜBİTAK UZAY” mütəxəssislərinin birbaşa iştirakı ilə keçirilən təlimlərdə iştirak ediblər.
Nazir bildirib ki, Salda gölü aşağı işıq çirklənməsi və əlverişli atmosfer müşahidə imkanlarına görə astronomiya və kosmik elmi tədqiqatlar üçün mühüm potensiala malikdir və bu istiqamətdə TÜBİTAK tərəfindən Elm Mərkəzləri Proqramı çərçivəsində Burdurda genişmiqyaslı elm mərkəzinin yaradılması üzrə işlər davam etdirilir.Onun sözlərinə görə, Burdurda Salda gölü sahilində planlaşdırılan elm mərkəzi layihəsi çərçivəsində “TÜBİTAK UZAY” elm festivalı və seminar proqramlarında fəal iştirak edəcək, “Saldadan Marsa həyat izlərinin izlənməsi” devizi altında keçiriləcək tədbirdə isə gölün geoloji xüsusiyyətləri, Marsla oxşarlıqları və ekoloji qorunması müzakirə olunacaq.Kacır əlavə edib ki, NASA ilə birgə həyata keçirilən astronavt missiyası və “TÜBİTAK UZAY” tərəfindən icra olunan Türk Astronavt və Elm Missiyası çərçivəsində elmi təcrübələr aparılır, MIYOKA layihəsi üzrə isə NASA və Axiom Space ilə əməkdaşlıqla 5 astronavtın əməliyyat hazırlığı “TÜBİTAK UZAY” mütəxəssisləri tərəfindən həyata keçirilən təlimlərlə dəstəklənir.
