Cəlilabad rayonunda baş verən yol-nəqliyyat hadisəsi xəsarətlə nəticələnib.
Elpress.az APA-ya istinadən xəbər verir ki, qəza köhnə Ələt-Astara magistralının rayonun Alar kəndi ərazisindən keçən hissəsində qeydə alınıb.Məlumata görə, Biləsuvar istiqamətində hərəkət edən “Kia” markalı minik avtomobili eyni istiqamətdə hərəkətdə olan “Zil” markalı yük maşını ilə toqquşub. Zərbənin təsirindən yük avtomobili idarəetməni itirərək yol kənarına aşıb.İlkin məlumata əsasən, hadisə nəticəsində bir neçə nəfər müxtəlif dərəcəli bədən xəsarətləri alıb. Yaralılar təcili tibbi yardım vasitəsilə rayon mərkəzi xəstəxanasına çatdırılıblar.Bildirilir ki, “Kia” markalı avtomobildə olan şəxslər toy mərasiminə gedirmişlər.Faktla bağlı aidiyyəti qurumlar tərəfindən araşdırma aparılır.
