Böyük Britaniyanın Şimali İrlandiya bölgəsinin paytaxtı Belfastda baş verən iğtişaşlar gündəmin əsas mövzularından birinə çevrilib.
Elpress.az xəbər verir ki, şəhərin müxtəlif ərazilərində yaşanan qarşıdurmalar zamanı küçələrdə gərgin vəziyyət yaranıb, polis hadisələrə müdaxilə etməkdə çətinlik çəkib.Məlumata görə, iğtişaşlar zamanı əcnəbilərə məxsus bəzi obyektlər də hədəfə alınıb. Hücuma məruz qalan məkanlar arasında türk vətəndaşına məxsus bərbərxananın da olduğu bildirilir. Obyektin şüşələri sındırılıb və əmlaka ziyan vurulub.Hadisələrin səbəbləri və iğtişaşların miqyası ilə bağlı araşdırmalar davam edir. Təhlükəsizlik qüvvələri bölgədə asayişi bərpa etmək üçün əlavə tədbirlər görür.Yerli hakimiyyət orqanları sakinləri təmkinli olmağa çağırıb və zorakılıq hallarının qəbuledilməz olduğunu vurğulayıb.
