Hücumlar nəticəsində 5 mindən çox sakin və 46 sosial obyekt elektrik enerjisiz qalıb
Elpress.az xəbər verir ki, Ukraynaya məxsus dronların Rusiyanın Moskva vilayətinə kütləvi hücumu nəticəsində bölgədə enerji təchizatında ciddi problemlər yaranıb.Məlumata görə, ötən gecə Rusiya hava məkanında 791 dronun zərərsizləşdirildiyi bildirilib. Onlardan 620-nin Moskva istiqamətində hərəkət etdiyi qeyd olunub.Hücumlar nəticəsində üç nəfərin xəsarət aldığı, ölənlərin olmadığı açıqlanıb. Moskva vilayətinin Likino-Dulyovo və Orexovo-Zuyevo şəhərləri yaxınlığındakı elektrik şəbəkələrində yaranan problemlər səbəbindən 5 mindən çox insan və 46 sosial obyekt elektrik enerjisiz qalıb.Bundan başqa, “Wildberries” şirkətinə məxsus anbarın da hücumlar zamanı zərər gördüyü bildirilib.Rusiya mətbuatının məlumatına əsasən, baş verənlər son iki ildə Moskva vilayətinə qarşı həyata keçirilən ən böyük dron hücumu kimi qiymətləndirilib.
