Aysel Əlibəyli
04 İyun 2026 · 16:09
1134 baxış
Bu gün Xorvatiyanın İstriya bölgəsində, Medulin yaxınlığında baş verən təyyarə qəzası faciə ilə nəticələnib — hadisə zamanı 4 nəfər həyatını itirib, 2 nəfərin isə axtarışları hazırda davam etdirilir.
Xorvatiyanın dövlət xəbər agentliyi HINA-nın polisə istinadən yaydığı məlumata görə, İstriya bölgəsində baş verən təyyarə qəzası ilə bağlı yeni detallar açıqlanıb. Bildirilib ki, qəzaya uğrayan təyyarə Almaniyadan havaya qalxıb və uçuş zamanı naməlum səbəblərdən istiqamətini itirərək faciə ilə nəticələnib. Hadisə barədə məlumat daxil olan kimi əraziyə polis qüvvələri ilə yanaşı, yanğınsöndürənlər və digər fövqəladə xidmətlər dərhal cəlb olunub, axtarış-xilasetmə işləri intensiv şəkildə davam etdirilir.
