Livanın “Hizbullah” hərəkatı ABŞ-nin təşəbbüsü ilə irəli sürülən və İsraillə qarşılıqlı atəşkəsi nəzərdə tutan təklifə razılıq verdiyini açıqlayıb.
Elpress.az Qafqazinfo-ya istinadən verdiyi məlumata görə, bunu hərəkatın parlament fraksiyasının deputatı Həsən Fədlallah “Lebanon Debate” nəşrinə müsahibəsində bildirib.Onun sözlərinə görə, İsrail razılaşmanın şərtlərinə əməl edəcəyi təqdirdə, “Hizbullah” Livanın bütün ərazisini əhatə edən tam və hərtərəfli atəşkəsi dəstəkləyəcək.Xatırladaq ki, iyunun 1-də ABŞ Prezidenti Donald Trump İsrailin Baş naziri Benjamin Netanyahu və “Hizbullah” rəhbərliyi ilə razılaşdırılmış atəşkəs barədə məlumat vermişdi.Təklif olunan mexanizmə əsasən, İsrail Beyrutun cənub ətraflarına hava zərbələrini dayandırmalı, “Hizbullah” isə İsrailə qarşı hücumlardan çəkinməlidir. Növbəti mərhələdə atəşkəs rejiminin bütün Livan ərazisinə şamil olunması nəzərdə tutulur.Qeyd edək ki, regionda diplomatik təmasların intensivləşdiyi bir vaxtda İran da ABŞ ilə danışıqların bərpası üçün öz şərtlərini açıqlayıb.
