Litvanın Qeydiyyat Mərkəzinin sistemindən xarici işlər naziri Kyastutis Budris və onun ailə üzvlərinə aid şəxsi məlumatların oğurlandığı bildirilir.
Elpress.az-ın Qafqazinfo.az-a istinadən verdiyi məlumata əsasən, Nazir bu barədə açıqlama verərək bildirib ki, sızan məlumatlar dövlət reyestrlərində saxlanılan şəxsi informasiyalardır. Hazırda Litva Baş Prokurorluğu daşınmaz əmlak reyestrindən 600 mindən çox qeydiyyat məlumatının, o cümlədən şəxsi identifikasiya kodlarının qanunsuz əldə olunması ehtimalını araşdırır.Kyastutis Budris qeyd edib ki, oğurlanmış məlumatların ölkəyə qarşı fəaliyyət göstərən qüvvələrin əlinə keçməsi ciddi narahatlıq yaradır.Məlumat sızmasından zərər görənlər sırasında Litva Prezidenti Gitanas Nausėda da yer alır. Prezident daha əvvəl bu hadisəni düşmən dövlətlərin mümkün fəaliyyəti kimi dəyərləndirmişdi.
