Rusiyanın Qara dənizdə mülki gəmilər və liman infrastrukturuna endirdiyi zərbələrin bölgədə dəniz nəqliyyatına ciddi təsir göstərdiyi iddia olunur.
Elpress.az xəbər verir ki, bu barədə ABŞ-ın “Foreign Policy” jurnalı məlumat yayıb.Nəşrin yazdığına görə, vəziyyət yeni ixrac mövsümünə qədər dəyişməzsə, bu, qlobal ərzaq bazarında ciddi problemlər yarada bilər. Bildirilir ki, dəniz dəhlizi formal olaraq açıq qalsa da, raket və pilotsuz uçuş aparatları ilə hücum riski səbəbindən bir çox gəmi sahibi marşrutdan istifadə etməkdən çəkinir.Məlumata əsasən, Ukrayna tərəfi iyul ayı ərzində Rusiya tərəfindən limanlarda və dənizdə ümumilikdə 57 Ukrayna və xarici ticarət gəmisinə zərbə endirildiyini bildirib. Nəticədə taxıl ixracının təxminən üç dəfə azaldığı, dəniz daşımalarının qiymətinin isə demək olar ki, iki dəfə artdığı qeyd olunur.Jurnal vurğulayır ki, Qara dəniz limanları Ukraynanın əsas ixrac marşrutlarından biridir. Kənd təsərrüfatı məhsullarının böyük hissəsi, eləcə də metallurgiya və dağ-mədən sənayesi məhsulları məhz bu limanlar vasitəsilə dünya bazarına çıxarılır.
Ukraynanın Kənd Təsərrüfatı Nazirliyinin qiymətləndirməsinə görə, 2026-cı ildə ixrac gəlirlərində birbaşa itkilərin 1,5–3 milyard ABŞ dolları arasında olacağı proqnozlaşdırılır.
