Madrid rəsmisinin Fələstinlə bağlı açıqlaması diplomatik narazılığa səbəb olub
Elpress.az xəbər verir ki, İspaniyanın müvəqqəti işlər vəkili Fransiska Pedros İsrail Xarici İşlər Nazirliyinə çağırılıb.İsrail XİN-in məlumatına görə, Pedros Siyasi-Strategiya Məsələləri İdarəsinin rəhbəri Gilad Koen tərəfindən qəbul edilib və ona diplomatik irad bildirilib.Buna səbəb İspaniyanın gənclər naziri Sira Reqonun sentyabrın 24-də İspaniya cəmiyyətinin “çaydan dənizə qədər azad Fələstin” mövqeyini dəstəklədiyini bildirməsi olub.İsrail Xarici İşlər Nazirliyi Reqonun açıqlamasını İspaniya hökumətinin və Baş nazir Pedro Sançesin İsrailə qarşı siyasətinin tərkib hissəsi kimi qiymətləndirib.Qeyd edək ki, Sira Reqo daha əvvəl də İsrailin Qəzzadakı siyasətini tənqid edib və Fələstin dövlətinin tanınmasını dəstəkləyən açıqlamalar verib.
