Aysel Əlibəyli
19 İyul 2026 · 17:06
1120 baxış
İraq neft ixracında Suriya marşrutundan istifadəsini artırır
Elpress.az xəbər verir ki, İraq Hörmüz boğazı ətrafında yaranmış gərginlik fonunda neft məhsullarının ixracı üçün Suriya üzərindən yük avtomobilləri ilə daşımaları genişləndirib.
Məlumata görə, yanacaq qıtlığı yaşayan Suriya son aylarda Yaxın Şərqdə neft məhsullarının mühüm tranzit məntəqəsinə çevrilib. Bildirilir ki, İraq ixrac marşrutlarını şaxələndirmək məqsədilə Türkiyənin Ceyhan və Suriyanın Baniyas limanları üzərindən yeni marşrutlar açmağı planlaşdırır.Qeyd edək ki, Hörmüz boğazı ətrafındakı gərginlik ABŞ və İran arasında baş verən qarşıdurmadan sonra daha da artıb.
