İran və Oman Hörmüz boğazında yeni mərkəzi gəmiçilik marşrutunun yaradılması ilə bağlı birgə iş aparırlar.
Elpress.az xəbər verir ki, bu barədə İranın Press TV telekanalı adı açıqlanmayan mənbəyə istinadən məlumat yayıb.Məlumata görə, hazırlanan yeni mərkəzi dəhliz hər iki ölkənin maraqlarını nəzərə alan praktik və hüquqi həll kimi qiymətləndirilir.
Layihənin həyata keçirilməsindən sonra hazırda istifadə olunan şimal və cənub marşrutlarının bağlanması nəzərdə tutulur.Mənbə bildirib ki, təşəbbüsün əsas məqsədi Hörmüz boğazında gəmiçilik qaydalarının yenilənməsi və bu strateji su yolunun gələcəkdə hər hansı təzyiq vasitəsinə çevrilməsinin qarşısını almaqdır.
Qeyd edək ki, daha əvvəl bəzi beynəlxalq media qurumları Hörmüz boğazında gəmiçiliyin tam bərpası ilə bağlı razılaşmaların yaxın vaxtlarda açıqlana biləcəyini iddia etmişdilər.
