Trampın xüsusi nümayəndələri Ukrayna Prezidenti ilə danışıqlar aparmaq üçün Kiyevə gediblər
Elpress.az xəbər verir ki, Ukrayna Prezidenti Volodimir Zelenski ABŞ Prezidenti Donald Trampın xüsusi nümayəndələri Stiv Uitkoff və Cared Kuşnerlə Kiyevdə görüş keçirir.ABŞ nümayəndələri Ukraynanın paytaxtına qatarla gəliblər. Onları dəmir yolu stansiyasında Ukraynanın yüksəkvəzifəli rəsmiləri qarşılayıblar. Qarşılayanlar arasında Prezident Ofisinin rəhbəri Kirill Budanov, Xarici Kəşfiyyat Xidmətinin rəhbəri Rustem Umerov və parlamentdə hakim fraksiyanın rəhbəri David Araxamiya da olub.Zelenski görüşdən əvvəl bildirib ki, amerikalı nümayəndələrin Ukraynaya təyyarə ilə gəlməsi üçün hava limanları hazır vəziyyətə gətirilsə də, Rusiyanın hava zərbələri səbəbindən bu variant mümkün olmayıb.Gün ərzində Zelenskinin Uitkoff və Kuşnerlə müxtəlif məsələlər ətrafında danışıqlar aparacağı gözlənilir.Qeyd edək ki, ABŞ nümayəndələri Kiyevə səfərindən əvvəl Moskvada Rusiya Prezidenti Vladimir Putinlə görüşüblər.
